講起基思甸艾歷臣，同大家Update佢嘅狀況，呢位中場8月初曾返去國際米蘭訓練營，精神唔錯，不過由於意甲唔批准球員戴心髒起搏器上陣，有傳佢可能會轉投荷甲阿積士。至於事發時及時拯救艾歷臣嘅隊醫、醫療隊伍及隊長卡積亞，日前就獲歐洲足協頒發「主席獎」，表揚佢哋嘅行為。
「艾歷臣效應」逐漸消失
丹麥今場當然缺少基思甸艾歷臣，同樣地歐國盃時嘅「艾歷臣效應」亦會消失，當時丹麥上下士氣激昂，踢法比平時更進取及具侵略性，唔係平時嗰只穩守突擊，所以當時入波比較多，經過呢兩個月冷靜期，丹麥將回復本來務實嘅面目，相信入波唔會多。
蘇格蘭靠歐國聯附加賽先入到歐國盃決賽周，實力同歐洲列強有一定距離，雖然今場有利物浦後衛安德魯羅拔臣壓陣，但佢主要喺鎮守後防減少甩漏，未必幫到進攻幾多，兩軍近7次對賽6次開2球或以下，入球細再追無妨。
本文来源：https://www.ttzb.cc/zuqiu/101734.html
郑重声明：<世盃外：丹麥打回原形細煉蘇格蘭>转自网络如有侵权请第一时间联系我们修改或删除，多谢。
