尼马缺态美斯锡身
巴西上场外围赛以1比0击败智利，保持7战全胜，但佢哋近5场外围赛都系小胜，总入球全部2球或以下。巴西最大隐忧系有多位主力缺阵，包括加比尔捷西斯、罗拔图法明奴及法宾奴泰华利斯等9位英超兵，都因为英国防疫限制未能为巴西比赛，加上中坚马昆奴斯哥利亚停赛，残阵出击想入波唔系咁易。王牌尼马状态亦麻麻，上场对智利见佢有个大肚腩，虽然尼马死撑只系着咗件大码球衣，比较阔身，并唔系肥咗，但好难令人信服。
阿根廷近5场外围赛仅两胜，上场可以击败委内瑞拉，或多或少因为对手上半场已有球员被逐，美斯更惨中一下「收山脚」，虽然冇大碍，但相信佢今场会特别锡身，以免再出事。南美洲区有4个直接出线名额，排前两位嘅巴西、阿根廷冇抢分压力，未必搏尽。
本文来源：https://www.ttzb.cc/zuqiu/101993.html
郑重声明：<世杯外：巴西阿根廷细均力敌>转自网络如有侵权请第一时间联系我们修改或删除，多谢。
