「三獅兵團」8戰6勝2和，今場斗阿爾巴尼亞後，最後一場分組賽作客「魚腩部隊」聖馬力諾，如無意外3分袋袋平安，所以今場亦唔急於進攻，相信領隊修夫基會穩中求勝，慢慢睇准機會才進攻。
修夫基選兵仍以狀態為先，連格及查頓辛祖因於曼聯未能搶得正選，今次冇入選，喺拉舒福特、禾特普斯因傷退隊，美臣蒙特因為剝智慧齒延遲歸隊下，補選咗阿仙奴嘅伊美路維，當然又係睇中佢近況大勇，連續3場聯賽幫兵工廠入波。中場另外選擇咗加雲菲臘斯同佐敦軒達臣等，都係防守能力同意識比較高嘅球員，相信英軍踢法會趨向穩中求勝。
阿爾巴尼亞作客頂到兩嘴
另邊廂，阿爾巴尼亞以15分排第3，數字上仍有直接進身決賽周嘅機會，而且他們喺今屆世盃外作客成績絕對唔失禮，4場獲3勝1負，只係不敵波蘭，「三獅兵團」如果太過進取，或者會畀到機會阿爾巴尼亞偷雞，所以唔會掉以輕心，而且英格蘭近9次主場出擊，7次半場同對手打和，半場和值得再追。
本文来源：https://www.ttzb.cc/zuqiu/106769.html
郑重声明：<世歐洲:英格蘭嘆慣慢板吼半和>转自网络如有侵权请第一时间联系我们修改或删除，多谢。
